Nomes numerais (números)

De Manual de Estilo DOG

Revisión como estaba o 25 de marzo de 2011 ás 14:11

Números en letras

Os números escríbense de forma estendida, con letras, nos seguintes casos:

• Os números ata nove, inclusive, por haber apenas un algarismo:

(…) e en dous xornais dos de maior circulación (…)

Exceptúanse os números dunha única cifra cando aparecen en listas.

• As cantidades que se correspondan con sancións, indemnizacións, orzamentos, inversións etc. ou coa especificación do número de días para prazos, deben ir na súa forma estendida expresada en letras, e, a seguir, a forma en algarismos entre parénteses:

(…) a obriga de satisfacer, en concepto de multa coercitiva, a cantidade de trescentos sesenta euros e sesenta e un céntimos (360,61 €) (…)

Importe total: dezanove millóns oitocentos vinte e dous mil trescentos noventa e catro euros con cincuenta e nove céntimos (19.822.394,59 €), IVE incluído.

Sanción proposta: tres mil cinco euros con sete céntimos de euro (3.005,07 €).

e) Prazo de execución/entrega: vinte (20) días naturais desde a formalización do contrato.

• Cando se expresen cantidades de tempo (anos, meses etc.):

(…) no prazo máximo de dous meses (…)

• Cando se trate de cantidades aproximadas:

(…) non faltar máis de doce anos para pasar (…)

• Cando os números vaian acompañados da palabra vez ou veces:

(…) intentada a notificación persoal dúas veces (…)

Algarismos árabes

Os números escríbense con algarismos árabes nos seguintes casos:

• Os números maiores de nove:

Máximo 20 puntos (…)

• As cantidades que se correspondan con sancións, indemnizacións, orzamentos, inversións etc. ou coa especificación do número de días para prazos, deben ir na súa forma estendida expresada en letras, e, a seguir, a forma en algarismos entre parénteses:

(…) a obriga de satisfacer, en concepto de multa coercitiva, a cantidade de trescentos sesenta euros e sesenta e un céntimos (360,61 €) (…)

Importe total: dezanove millóns oitocentos vinte e dous mil trescentos noventa e catro euros con cincuenta e nove céntimos (19.822.394,59 €), IVE incluído.

Sanción proposta: tres mil cinco euros con sete céntimos de euro (3.005,07 €).

e) Prazo de execución/entrega: vinte (20) días naturais desde a formalización do contrato.

Por cuestións de espazo e lexibilidade poderán existir excepcións a esta regra (moitas cantidades nun parágrafo).

• Cando se mostra unha relación de elementos:

Lote 1: turismos (25).

Lote 2: motocicletas (14).

Lote 3: vehículos todoterreo (15).

• Coas porcentaxes:

(…) reducirase nun 25% (…)

• Cos cardinais que aparecen acompañando os textos oficiais, artigos, páxinas, apartados, rúas, edificios etc.:

(…) no artigo 7º da Lei 9/2007, do 13 de xuño (…)

(…) na rúa Gutiérrez Mellado nº 3, 2º andar (…)

• Coas medidas e magnitudes físicas:

(…) L.M.T. subterránea a 20 kV con condutor tipo R.H.Z. de 529 metros (…)

• Nos anos e os días do mes nas datas e nas indicacións horarias:

(…) as 13.00 horas do día 10 de decembro de 2010 (…)

• En números de expedientes e semellantes:

(…) expedientes INC-OU-171/2010-VNA e INCOU-180/2010-LSA (…)

Numeración romana

A numeración romana utilízase maiormente nos seguintes casos:

• Acompañando a palabra anexo cando anuncia o comezo da súa sección e cando se cita no corpo do texto:

ANEXO I

(…) que se inclúen como anexo I (…)

• Cando se cita o número dun capítulo, título, edición, base etc. que así se numera orixinalmente:

(…) o capítulo II do título VII do Real decreto 1955/2000 (…)

• Cando forman parte dun nome propio, de nomes de estradas ou cando denominan séculos e certas unidades e demarcacións militares:

(…) na rúa Xoán XXIII (…)

(…) con domicilio social na estrada N-VI (…)

(…) metade do século XX (…)

Puntuación

• Nas cifras, como elemento separador entre enteiros e decimais:

IVE: 26.680,75 euros.

- 0,25 puntos por coñecemento da lingua galega.

• Deben eliminarse os decimais cando son igual a cero:

• 27,00 € → 27 €

Poden especificarse os decimais iguais a cero en táboas ou textos en que figuran outras cantidades relacionadas con decimais:

G36118768	Asociación de Amas de Casa (...)	1.162,24
G36584894	Asociación de Mulleres (...)	270,00

• Os números de conta, de teléfono e de fax non levan puntos e van con espazos:

0000 0000 00 000000000

(…) a través dos números de teléfono 981 54 62 46 ou 981 54 62 54, ou fax: 981 54 63 39 (…)