Elementos constantes da estrutura xeral dos textos

De Manual de Estilo DOG

Revisión como estaba o 27 de febreiro de 2012 ás 12:04

Todos os documentos publicados no DOG teñen unha estrutura común, que é a seguinte: cabeceira, corpo do documento, peche e anexos.

Cabeceira

O documentos aparecen publicados no DOG con varios elementos fixos na cabeceira:

• A sección, precedida de numeración romana (I. Disposicións xerais; II. Autoridades e persoal; etc.). A clasificación dos documentos nas dife-rentes seccións compete á Unidade de Xestión do DOG.
• O nome da entidade que emite o documento. Só poderán ser entidades emisoras as que aparecen na relación que figura no portal de envío telemático de documentos. A selección da entidade emisora correspon-de ao propio organismo emisor.

Ao indicar o organismo publicador, cómpre prestar prestar especial atención ao feito de que o documento poida aparecer baixo a epígrafe dun organismo dependente dunha unidade superior ou baixo esta última. É dicir, un documento pode aparecer publicado baixo a epígrafe da Consellería de Presidencia, Administracións Públicas e Xustiza ou baixo a epígrafe da Escola Galega de Administración Pública; ou baixo a Consellería do Mar ou de Portos de Galicia. Nestes casos, será o organismo autónomo ou ente dependente da consellería o que se seleccionará; non a consellería.

Formato:

• Maiúsculas negras, interliñado 15 pt, sen sangría

• Xustificación: esquerda

• Sangría: sen sangría

• Espazo despois de parágrafo: 5 mm

• O sumario ou título do documento: debe ser un extracto que adiante mi-nimamente o contido da disposición. Nel indicarase a subentidade, de existir, dependente da entidade emisora responsable da publicación do documento. Este resumo deberá sempre conter os seguintes datos:
  

Estas son algunhas observacións que se terán en conta na redacción de sumarios:

-Nos decretos expresarase o número, seguido dunha barra oblicua (/) e a data, entre comas. O número do decreto será asignado pola Unidade de Xestión do DOG.

-Nas datas, o día e o ano expresaranse en cifras e o mes, en letra. En galego, a data irá precedida da contracción do; en castelán, da preposición de. Despois do ano non se porá coma, a non ser que se exprese a denominación da subunidade que emite o documento. No ano non se porá punto para separar a unidade de millar do resto.

-Nos sumarios non se deberá dar máis información que a estritamente necesaria para orientar sobre o tema da disposición. Evitaranse aqueles datos que son máis propios do corpo do documento.

-Os edictos e cédulas dos xulgados irán identificados sempre co número de autos ou sentenza; no caso dos concellos e demais entes publicadores darase algunha información xenérica (convocatoria dunha praza, licenza de obras, aprobación dun plan de ordenación,...) que poida identificar o documento. Cando o haxa, porase, ademais, o número de expediente.

-O número de expediente, caso de habelo, expresarase entre parénteses, poñendo a palabra expediente en forma completa e en minúsculas.

-Sumarios das correccións de erros. Porase a expresión CORRECCIÓN de erros, seguida de punto e, a seguir, o título exacto da disposición que se corrixe, enunciado do mesmo xeito en que saíu publicada.

-O sumario ou título acabará sempre en punto, mesmo que sexa moi breve.

Formato dos sumarios:

• Xustificación: completa

• Sangría: francesa esquerda a 15 mm

• Interliñado: 15 pt

• Tipo de letra: cursiva

Exemplos:

Tipo de documento e nome da entidade emisora

Formatación

• Xustificación: completa.
• Sangría: 5 mm.
• Interliñado: dobre.
• Tipo de letra: negra en maiúsculas.

Exemplo:

SOCIEDADE GALEGA DO MEDIO AMBIENTE, S.A.

{maiúsculas negras, interliñado dobre, sangría 5mm}

Sumario ou título

Formatación

• Xustificación: completa
• Sangría: non.
• Interliñado: 1,5.
• Tipo de letra: cursiva.

Exemplo:

RESOLUCIÓN de 4 de xuño de 2010 pola que se concede a acreditación de entidade de control de calidade da edificación a Estudios Mikar, S.L., con domicilio social na rúa Solla número 1, Marín (Pontevedra).

Corpo do documento

O corpo da maioría dos documentos consta de dúas partes diferenciadas: parte expositiva e parte dispositiva.

Parte expositiva

A parte expositiva cumpre a función de resumir o contido e mais o obxecto do documento, co fin de lograr unha mellor comprensión do texto.

Formatación

• Xustificación: completa.
• Sangría: 5 mm primeira liña de parágrafo.
• Separación entre parágrafos: 5 mm.
• Interliñado: 1,5.
• Tipo de letra: redonda.

Exemplo:

De conformidade co exposto, por proposta do conselleiro de Educación e Ordenación Universitaria, no exercicio da facultade outorgada polo artigo 34 da Lei 1/1983, do 22 de febreiro, reguladora da Xunta e da súa presidencia, modificada polas leis 11/1988, de 20 de outubro, 2/2007, de 28 de marzo, e 12/2007, de 27 de xullo, conforme os ditames do Consello Galego de Formación Profesional e do Consello Escolar de Galicia, e logo de deliberación do Consello da Xunta de Galicia, na súa reunión do día vinte e tres de setembro de dous mil dez,

Parte dispositiva

A parte dispositiva está destinada á inclusión do resto de información do documento, sexa este unha disposición articular, unha resolución, un anuncio etc.

Fórmula introdutoria

A fórmula introdutoria da parte dispositiva deberá ser expresada en primeira ou terceira persoa. Deberase utilizar obrigatoriamente a terceira persoa cando o suxeito que apareza ao final da parte dispositiva sexa dunha forma semellante a “esta secretaría xeral técnica” ou “esta dirección xeral”.

No caso de disposicións conxuntas, esta fórmula irá en plural.

Formatación

• Xustificación: centrada.
• Sangría: non.
• Separación entre parágrafos: 5 mm con respecto a ambos parágrafos, anterior e posterior.
• Tipo de letra: redonda

Exemplos:

Corpo da parte dispositiva

Formatación

• Xustificación: completa.
• Sangría: 5 mm primeira liña de parágrafo.
• Separación entre parágrafos: 5 mm.
• Interliñado: 1,5.
• Tipo de letra: redonda.

Exemplo:

Esta reitoría, no uso das atribucións que lle confire o artigo 20 da Lei 6/2001, de 21 de decembro, de universidades, e as demais disposicións que a desenvolven, resolveu nomear a Marco Tuein profesor titular de universidade da Universidade da Coruña, da área de coñecemento de matemática aplicada, departamento de Métodos Matemáticos e de representación desta universidade.

Peche

O peche do documento componse de dúas pezas de información:

• Expresión da data
• Expresión do cargo que asina

Expresión da data

Estrutura

Esta estrutura non se manterá con este formato nas leis e nos decretos, onde a data debe aparecer repetida varias veces ao longo do corpo do texto e desenvolta sempre en letra.

Formatación

• Xustificación: esquerda.
• Sangría: 5 mm primeira liña de parágrafo.
• Separación entre parágrafos: 5mm.
• Interliñado: 1,5.
• Tipo de letra: redonda.

Exemplo:

Cerceda, 10 de setembro de 2010.

{letra redonda, sangría primeira liña e espazamento parágrafo 5mm}

Agás nas leis e decretos:

Santiago de Compostela, dez de setembro de dous mil dez.

{letra redonda, sangría primeira liña e espazamento parágrafo 5mm}

Expresión do cargo que asina

1. A expresión do cargo asinante, nos casos máis xerais, componse de dúas pezas de información:

• Nome da persoa asinante (responsable da entidade emisora do documento).
• Nome do cargo completo (debe coincidir co cargo responsable da entidade emisora do documento).

Formatación

• Xustificación: centrada.
• Sangría: non.
• Separación entre parágrafos: 5 mm.
• Interliñado: simple.
• Tipo de letra: redonda.

Exemplo:

2. Nos decretos, a sinatura constará de dous niveis:

• • Primeiro deberá asinar a persoa que desempeñe a presidencia da Xunta de Galicia. Esta sinatura terá xustificación centrada.
  • Despois asinará a persoa responsable da consellería correspondente á materia sobre a cal se propón a dita norma. Esta sinatura terá xustificación esquerda.
    

Vexamos un exemplo:

Roberto Varela Fariña

Conselleiro de Cultura e Turismo

{letra redonda, xust. esquerda, interliñado simple, espazamento parágrafo 5mm}

3. As disposicións de carácter conxunto, nas cales son varios os organismos emisores, publícanse baixo a epígrafe da Consellería de Presidencia, Administracións Públicas e Xustiza e a súa sinatura leva en paralelo o nome e o cargo dos seus responsables segundo a orde protocolaria de rango de consellerías ou demais entidades.

Exemplo:

Baixo unha epígrafe deste tipo:

CONSELLERÍA DE PRESIDENCIA, ADMINISTRACIÓNS PÚBLICAS E XUSTIZA

ORDE conxunta do 14 de abril de 2009, das consellerías do Medio Rural e de Sanidade, pola que se regula a formación das persoas que realizan actividades relacionadas coa manipulación e aplicación de produtos fitosanitarios na Comunidade Autónoma de Galicia e se crea a Comisión Técnica de Produtos Fitosanitarios.

Correspondería unha sinatura dobre en paralelo como se observa a continuación:

Samuel Jesús Suárez Casado	Pilar Farjas Abadía
Conselleiro do Medio Rural	Conselleira de Sanidade

De haber máis organismos, seguirán a orde de aparición no sumario ou título do documento.

4. Na ausencia da persoa responsable da entidade emisora (P.A.) ou no caso de que esta delegue noutra persoa (P.D. ou P.S.), deberase indicar esta situación na sinatura, especificando o cargo da persoa que asina, ademais de citar de forma completa a norma de delegación ou substitución.

Por exemplo, nunha resolución da Consellería do Medio Rural, o conselleiro delega no secretario xeral técnico e isto vese reflectido na sinatura do seguinte xeito:

5. Nos documentos en que xa se identifique no inicio do corpo do documento o nome e cargo da persoa responsable da emisión, non é necesario repetilo na sinatura.

Por exemplo, aos edictos dos xulgados que comecen do seguinte modo: «María Blanco Aquino, secretaria do Xulgado do Social número un da Coruña,…», corresponderíalles unha sinatura como a seguinte:

Anexos

Os anexos irán sempre no final do documento. Evitarase, por tanto, a inserción destes anexos no medio do documento. Deberanse realizar dentro do corpo do documento referencias identificativas a eles para facilitar a súa localización.

Recoméndase utilizar os anexos única e exclusivamente para incluír formularios, documentos informativos adicionais, imaxes e táboas.

Os anexos deberán constar de dúas pezas de información:

• Encabezamento: indicarase, cando haxa máis dun anexo, o número de anexo en números romanos.
• Título (irá centrado e en negra).

Encabezamento

Estrutura

Formatación

• Xustificación: centrada.
• Sangría: non.
• Separación entre parágrafos: 5 mm.
• Interliñado: 1,5.
• Tipo de letra: redonda e en maiúsculas.

Título do anexo

Formatación

• Xustificación: centrada.
• Sangría: non.
• Separación entre parágrafos: 5 mm.
• Interliñado: 1,5.
• Tipo de letra: redonda negra.

Exemplo: