Glosario de expresións e termos

De Manual de Estilo DOG

(Diferenzas entre revisións)

Revisión como estaba o 24 de abril de 2013 ás 10:14

Páxinas principais

En elaboración

Índice

1 Observacións
2 Glosario
- 2.1 A
- 2.2 B
- 2.3 C
- 2.4 D
- 2.5 E
- 2.6 F
- 2.7 G
- 2.8 H
- 2.9 I
- 2.10 J
- 2.11 K
- 2.12 L
- 2.13 M
- 2.14 N
- 2.15 O
- 2.16 P
- 2.17 Q
- 2.18 R
- 2.19 S
- 2.20 T
- 2.21 U
- 2.22 V
- 2.23 Y
- 2.24 Z

Observacións

Confeccionamos o glosario partindo da expresión ou do termo en castelán. Consideramos que, deste xeito, moitas persoas que o consulten, afeitas a se manexaren coas expresións en castelán, terán máis fácil acceso á correspondente forma galega. Puntualmente, incluímos observacións e comentarios sobre o emprego dalgunhas expresións.
Cando se dan varias opcións, todas correctas, incluímos en primeiro termo aquela de uso máis frecuente.
As formas precedidas de asterisco (*) non son correctas en galego.
Para a elaboración do glosario tomamos como referencias as que se citan a seguir. Ademais, tanto no caso de haber varias formas correctas como naqueles en que poida haber discrepancias entre as distintas fontes lexicográficas ou terminolóxicas, optamos por lles dar preferencia ás expresións e os termos que se veñen utilizando de forma habitual nos textos oficiais, nomeadamente no DOG.

• Dicionario da Real Academia Galega (DRAG):

http://www.realacademiagalega.org/dicionario/#searchNoun.do?current_page=1&nounTitle=

• Dicionario Xurídico: http://www.dixuri.com/ — http://dicionarioxuridico.xerais.es/

• Buscatermos (banco de datos terminolóxico da Universidade de Santiago de Compostela)

https://aplicacions.usc.es/buscatermos/publica/index.htm;jsessionid=E335E65BAEEDEE8F0B172765CE32B08D

• Corpus técnico do galego (banco de datos da Universidade de Vigo): http://sli.uvigo.es/CTG/

• InterActive Terminology for Europe (IATE): Visitar IATE

↑ Voltar ↑

Glosario

A

Castelán	Galego	Observacións
a (la) disposición de	á disposición de, ao dispor de
a cargo de	a cargo de, por conta de
a causa de	por causa de, a causa de, por mor de
a ciencia cierta	con certeza, de certo, sen dúbida
a contar desde	que comezará a contar, a partir de, contado desde
a continuación	a seguir, a continuación, seguidamente, deseguido	Evítese o emprego de deseguida, que ten a acepción de «axiña, decontado»
a costa de	á custa de, por conta de
a cuenta y riesgo	por conta e risco
a cuyo fin	para o fin, para o cal
a destajo	a obra feita, a traballo feito, ao axuste, por tarefa
a efectos de	para os efectos de
a este efecto	para este efecto
a este fin	con este fin, para esta finalidade, con este obxecto, para isto
a excepción de	coa excepción de, exceptuando, agás
a falta de	na falta de, a falta de
a fecha fija	con data fixa
a fin de	co fin de, a fin de
a fin de que	co fin de que, a fin de que
a grandes rasgos	en xeral, a grandes trazos, sen entrar en detalles
a instancia de	por instancia de, a/por pedimento de
a la larga	co tempo, ao final
a la mayor brevedad posible	o máis axiña posible, canto antes, coa maior brevidade posible, no prazo máis breve posible	Non é correcto *á maior brevidade posible
a la postre	en definitiva, despois de todo
a la sazón	daquela, naquel tempo, nese momento
a la vez	á vez, a un tempo, asemade
a lo mejor	ao mellor, se cadra, quizais, talvez
a lo sumo	como máximo
a los efectos de	para os efectos de, co fin de, co obxecto de
a los solos efectos de	só para os efectos de, unicamente para os efectos de, para os únicos efectos de
a mayor abundamiento	por/para maior abastanza, por máis abastamento
a menos que	a menos que, salvo que, agás que, non sendo que, a non ser que
a mi presencia	perante min, na miña presenza
a modo de	como, á maneira de, ao xeito de
a partir de	a partir de	É incorrecta a expresión *a partires de
a pesar de (que)	a pesar de (que), pese a, malia	É incorrecta a expresión *a pesares de (que)
a precio alzado	a prezo axustado, a prezo global
a propuesta de	por proposta de
a raíz de	por mor de, debido a, a consecuencia de
a requerimiento de	por requirimento de
a reserva de	agás, excepto, fóra de
a su ruego	por pedimento seu, a pedimento seu
a su vez	pola súa vez, á súa vez, cando lle corresponda, pola súa parte
a tal efecto	para tal efecto, con tal efecto
a tanto alzado	a prezo global, a prezo fixado, a prezo acordado, a prezo concertado
a tenor de	a teor de, de acordo con, consonte, segundo o teor de
a todos los efectos	para todos os efectos
a veces	ás veces, por veces
a(l) nivel de	— a(o) nivel de — no ámbito (de), con respecto a, en termos de	Cando nos referimos á altura física, é correcta a expresión a(o) nivel de (a temperatura é maior ao nivel do mar). En cambio non é correcta, en sentido figurado, cando se pode substituír por expresións como no ámbito de, con respecto ou similares: *as medidas aplicaranse a nivel de comunidade autónoma (= as medidas aplicaranse no ámbito da comunidade autónoma).
abogar	avogar	Non debe confundirse con avocar
abonar	—aboar (=pagar) —abonar (=subscribir) —fertilizar (a terra)	Aboar e abonar teñen significados diferentes e non deben confundirse. En galego, o equivalente do castelán abonar na acepción de botarlle á terra materias que aumenten a súa fertilidade non é abonar senón fertilizar.
abono	—aboamento (=acción de aboar; pagamento) —abono (=subscrición) —fertilizante	Non debe confundirse aboamento con abono. Para a acepción do castelán referida á substancia que se lle bota á terra para enriquecela non é correcto abono en galego; a palabra que se utiliza é fertilizante.
acarrear	carrexar, carretar, motivar, ocasionar	Non é correcto *acarrear.
acompañar	—acompañar —achegar, xuntar, presentar	Non é correcto o emprego deste verbo como transitivo no canto de achegar, xuntar, presentar, en contextos deste tipo: *Hai que acompañar unha fotocopia do DNI. É correcto como transitivo en contextos coma estes: A instancia deberá ir acompañada de fotocopia compulsada do DNI.
acto seguido	a seguir, logo
acusar recibo	xustificar a recepción, avisar da recepción
acuse de recibo	xustificante de recepción, aviso de recepción
adeudar	—deber (=ter unha débeda) —cargar (=anotar unha cantidade no debe dunha conta bancaria)	Non é correcto *adeudar en conta; debe dicirse cargar en conta.
adjuntar	achegar, xuntar, anexar, engadir	Non é correcto *adxuntar.
adjunto	adxunto/a, como adxectivo	É correcto o seu emprego como adxectivo en frases como o documento adxunto, a nota adxunta. Porén, non é correcto o seu emprego na forma invariable en masculino *Adxunto remito o documento ou *Adxunto remito copia do escrito.
aduana	alfándega, aduana
aforo	—capacidade (dun recinto) —contaxe (estación de)	Non é correcto *aforo.
al amparo de	ao abeiro de, ao amparo de
al corriente	ao día, ao corrente
al efecto (de)	para o efecto de
al fin y al cabo	ao cabo, á fin e ao cabo
al menos	polo menos, cando menos, ao menos, alomenos
al objeto de	co obxecto de, co fin de
al por mayor	por groso, por xunto
al por menor	a/o retallo, polo miúdo
albacea	testamenteiro/a
albaceazgo	testamentaría
alevosía	aleivosía
alienable	alleable, alienable
allanamiento (a la demanda)	achantamento (ante a demanda), conformidade (coa demanda)
allanamiento de morada	violación de domicilio, violación de morada
allanarse (a la demanda)	achantar (ante a demanda), conformarse coa demanda
alquilar	alugar
alquiler (acción de alquilar)	alugamento, arrendamento, alugueiro, arrendo	Non é correcto *aluguer.
alquiler (renta, cantidad de dinero)	alugueiro, renda	Non é correcto *aluguer.
alzamiento (de bienes)	alzamento (de bens)
amonestar	amoestar
ancho/a	largo/a, ancho/a	A forma largo/a do galego non equivale á forma largo/a do castelán, cuxo equivalente en galego é longo/a.
ante todo	ante todo, antes de nada, en primeiro lugar, primeiro de nada
apilar	empillar	Non é correcto *apiar.
aplazamiento	aprazamento, adiamento
aplazar	aprazar, adiar
apoderado	apoderado
aportación	achega, contribución	Non é correcto *aportación.
aportar	—aportar (=chegar a porto) —achegar, contribuír, proporcionar, presentar	En galego o verbo aportar só se utiliza na acepción de «chegar o barco a porto».
apostilla	apostila, postila
apremio	constrinximento, prema
archivar	arquivar
archivo	—arquivo (=lugar onde se arquiva) —arquivamento (=acción de arquivar)
asequible	accesible, alcanzable	Non é correcto *asequible.
atestiguar	testemuñar	Non é correcto *atestiguar.
aunar	unir(se), sumar	Non é correcto *aunar.
avalúo (de bienes)	taxación (de bens), valoración (de bens)
avenencia	avinza, acordo, convenio, pacto
avenir(se)	avir(se)
averiguar	indagar, investigar, pescudar	Non é correcto *averiguar.
avocar	avocar	Dito dunha autoridade gobernativa ou xudicial (un xuíz ou maxistrado), significa «atraer para si a resolución dun asunto ou causa cuxa decisión correspondería a un órgano inferior en virtude da incompetencia do tribunal en que a causa foi orixinalmente interposta». Non debe confundirse con avogar, que ten a acepción de «interceder, manifestarse en defensa de».

↑ Voltar ↑

B

Castelán	Galego	Observacións
banda ancha	banda larga
bastantear	verificar a suficiencia	Non é correcto *bastantear.
bastanteo	verificación da suficiencia	Non é correcto *bastanteo.
beca	beca (insignia, banda), bolsa (de estudos, axuda formativa)
becario/a	bolseiro/a
boceto	bosquexo, esbozo, esquema
botiquín	caixa de urxencias, depósito de medicamentos, equipamento de primeiros auxilios, botica anexa	Na Lei 5/1999, de ordenación farmacéutica (DOG do 26.5.1999) recóllese a forma botica anexa, como equivalente do castelán botiquín, para referirse a oficinas de farmacia instaladas en núcleos pequenos, ligadas a unha farmacia principal.
brecha digital	fenda dixital, brecha dixital
bursátil	bolsista
buzón	caixa de correo (para o postal) caixa de entrada (para o correo electrónico) caixa de mensaxes (para as mensaxes telefónicas)

↑ Voltar ↑

C

Castelán	Galego	Observacións
—calidad —cualidad	calidade	Non é correcto *cualidade.
—calificación —cualificación	cualificación	Non é correcto *calificación.
—calificar —cualificar	cualificar	Non é correcto *calificar.
canje	troca, troco, intercambio	Non é correcto *canxe.
canjear	trocar, intercambiar, cambiar	Non é correcto *canxear.
carátula	cara, portada, cuberta	Se se trata da carátula dun prego, empregaremos folla de especificacións do prego.
casa consistorial	casa do concello, concello
casilla	recadro, casa, compartimento	Non é correcto *casiña.
cauce	—leito (dun río) —canle (en sentido figurado, medio para chegar a algo), vía	Non é correcto *cauce.
caudal	—caudal (só co significado de «cantidade de auga dunha corrente ou dun manancial)» —bens, diñeiro, capital	En galego non ten a acepción de «diñeiro, bens».
caudal hereditario	masa hereditaria, bens hereditarios, capital hereditario
caudal público	capitais públicos, bens públicos, fondos públicos
caudal relicto	bens relictos
causahabiente	habente causa	O plural é habentes causa.
celebrar	celebrar (organizar unha festa, unha reunión para conmemorar algo)	É abusivo o seu emprego en contextos como celebrar unha reunión, que podemos substituír por realizar unha reunión. Noutros contextos, aínda que a maioría das linguas xa utilizan celebrar acompañando os substantivos contrato ou convenio, tamén se poden utilizar as formas asinar, subscribir ou formalizar.
censal	censual	Non é correcto *censal.
cercanía	proximidade	Expresións como transporte de cercanías deben expresarse en galego como transporte de proximidade.
certidumbre	certeza	Non é correcto *certidume.
cesar	cesar	Malia o indicado no DRAG, este verbo é intransitivo. Por tanto, é incorrecto dicir *O presidente cesou varios conselleiros. O correcto é: O presidente destituíu varios conselleiros, O presidente ordenou o cesamento de varios conselleiros ou mesmo Varios conselleiros cesaron (se estes cesaron por vontade propia). Así, para a fórmula castelá Decreto por el que se cesa a [...] como... o correcto é: Decreto polo que se dispón que cese [...] como... ou ben: Decreto polo que se dispón o cesamento de […] como... Tamén se pode utilizar, tanto en galego como en castelán, o verbo separar nestes contextos. Así, o artigo 62 da Constitución española, na súa alínea e), di: «Nomear e separar os membros do Goberno, por proposta do seu presidente».
cese, cesación	cesamento, separación
cirugía	cirurxía	Non é correcto *ciruxía.
cobro	cobramento, cobro
cohecho	suborno	Non é correcto *cofeito.
coheredero/a	coherdeiro/a
colindante	lindeiro/a, estremeiro/a, contiguo/a
colindar	estremar, lindar
cometido (sust.)	obxectivo, labor, función	Non é correcto *cometido.
comunero	comuneiro, copropietario, condómino
con arreglo a	conforme, de acordo con, de conformidade con, consonte, segundo
con cargo a	con cargo a
con creces	de sobra, dabondo, por demais
con excepción de	con excepción de, agás, fóra de, non sendo
con miras a	con vistas a, pensando en
con objeto de	co obxecto de, con obxecto de
con respecto a	con respecto a, respecto de, a respecto de, verbo de, en relación con
con sujeción a	con suxeición a, aténdose a, segundo
concejal/a	concelleiro/a	Non son correctas as formas *concellal nin *concexal.
concejalía	concellaría, concellería
concurrir	concorrer	Non é correcto *concurrir.
condueño/a	condómino/a, copropietario/a
conflicto	conflito
conllevar	comportar, implicar, supor, levar consigo	Non é correcto *conlevar.
conminar	cominar	Non é correcto *conminar.
connivencia	conivencia	Non é correcto *connivencia.
contemplar	—contemplar (=mirar, observar) —considerar, recoller, prever, establecer, admitir	Non é correcto *A lei contempla a posibilidade de… e si o é: A lei considera/recolle a posibilidade de… ou A lei admite/establece a posibilidade de…
convalidación	validación	Non é correcto *convalidación.
convalidar	validar	Non é correcto *convalidar.
conveniente	conveniente	Non é correcto *convinte.
conyugal	conxugal
cónyuge	cónxuxe
corredor (de comercio, de bolsa)	corretor	Malia que o DRAG recolle corredor, preferimos a forma corretor, fixada no Dicionario xurídico.
correduría (de seguros)	corretoría (de seguros)	Non debe confundirse con corretaxe.
corretaje	corretaxe
cortar	cortar	Non é correcto *curtar, que se utiliza ás veces por analoxía con curto/a.
corto/a	curto/a
costar	custar
costas	custas
coste	custo	Non é correcto *custe.
costumbre (s.f.)	costume (s.m.)
coyuntura	conxuntura
crédito	—crédito (monetario) —creto (=sona, consideración)
croquis	bosquexo, esbozo	Non é correcto *croquis.
cuádruple	cuádruplo, cuádrupla	Non é correcto *cuádruple.
cualidad	calidade	Non é correcto *cualidade.
cuantía	contía, cuantía
cuasicontrato	cuasicontrato	Non é correcto *casecontrato.
cuasidelito	cuasidelito	Non é correcto *casedelito.
cuenca (hidrológica)	bacía (hidrolóxica), cunca (hidrolóxica)
cumplimentar	—cumprimentar —cubrir, encher, consignar (inserir datos nun documento: cubrir unha instancia)	Cumprimentar só ten en galego a acepción de «facerlle os cumprimentos ou os parabéns a alguén»: Cumprimentou o embaixador e a súa dona ao chegaren ao noso país. Non confundir con *cumprir.
cupo	cota	Non é correcto *cupo.
curriculum vitae	currículo, currículum vítae, curriculum vitae	Como vemos, podemos optar pola forma moderna currículo ou pola forma latina. Neste segundo caso permítese a acentuación latina, co cal a expresión se escribe en cursiva, ou a acentuación segundo as normas de acentuación do galego, caso en que se grafa en redonda.
cursar (un expediente)	tramitar (un expediente)
cursillo	curso	Non é correcto *cursiño.

↑ Voltar ↑

D

Castelán	Galego	Observacións
daños y perjuicios	danos e perdas	Non é correcto *danos e prexuízos.
de acuerdo con	de acordo con, consonte	É incorrecta a contracción da preposición de + o substantivo acordo: *dacordo.
de ahora en adelante	de agora en diante, a partir de agora
de fecha (de)	con data do, do día
de modo que	de modo que, de xeito que, de maneira que
de su razón	correspondente, da súa clase
de vez en cuando	de cando en vez, de vez en cando, de cando en cando
debatir	debater	Non é correcto *debatir.
decomisar	comisar	Non é correcto *decomisar.
decomiso	comiso	Non é correcto *decomiso.
dedicar	dedicar	Non é correcto *adicar.
dejación	renuncia, desistencia, abandono, desleixo	Non é correcto *deixación.
delictivo/a	delituoso/a	Non é correcto *delitivo/a.
derechohabiente	habente dereito	O plural é habentes dereito.
derogación	derrogación
derogar	derrogar
derogatorio/a	derrogatorio/a
desahuciar	desafiuzar
desahucio	desafiuzamento
desarrollar	—desenrolar —desenvolver	En galego utilizamos o verbo desenrolar no sentido estritamente físico de desfacer ou desenvolver un rolo ou algo enrolado. No ámbito figurado debe usarse desenvolver.
desarrollo	—desenrolo —desenvolvemento	Desenrolo emprégase exclusivamente para referirse ao acto físico de «desenrolar algo que está enrolado». No sentido figurado debe usarse desenvolvemento.
desavenencia	desavinza	Non é correcto *desavenencia.
descuelgue salarial	desvinculación salarial, desenganche salarial	Non é correcto *descolgue salarial.
desechar	desbotar, rexeitar, descartar, desestimar, refugar
desecho	refugallo	Non é correcto *desfeito.
desglosar	desagregar, detallar	Non é correcto *desglosar.
desglose	desagregación, detalle	Non é correcto *desglose.
desguace	desmantelamento	Non é correcto *desguace.
desistimiento	desistencia	Non é correcto *desistimento.
deslinde	deslindamento, deslinde
despido	despedimento	Non é correcto *despido.
despilfarro	dilapidación	Non é correcto *despilfarro.
despliegue	despregamento
detentar	deter	Non é correcto *detentar. Cómpre ter en conta que tanto o castelán detentar como o galego deter significan «exercer un poder ou cargo público de forma ilexítima». Por tanto, cando o exercicio é lexítimo debemos evitar estes verbos e utilizar no seu lugar expresións como exercer.
deterioro	deterioración	Non é correcto *deterioro.
deuda	débeda
deudor/a	debedor/a
devaluar	depreciar, desvalorizar	Non é correcto *devaluar.
devengar	devindicar, xerar, producir	Non é correcto *devengar. Devindicar, o mesmo que o castelán devengar, ten varias acepcións segundo o contexto de uso. Devindicar é a forma recollida tanto no DRAG como no Dicionario xurídico galego (2011). Nalgúns contextos, pode utilizarse tamén xerar ou producir (por exemplo, unha conta bancaria produce xuros).
devengo	devindicación, xeración, produción	Non é correcto *devengo.
dictamen	ditame
dieta	—dieta (=réxime alimenticio) —axuda de custos (=axuda para gastos de viaxe e mantenza)	Cando o significado é o de remuneración, retribución, indemnización, a forma galega é axuda de custos (plural: axudas de custos). Pola contra, cando o significado é «réxime alimenticio», a forma galega coincide coa castelá dieta.
diferencia	diferenza
diferenciar	diferenciar	Non é correcto *diferenzar.
dinerario	en diñeiro, pecuniario, monetario	Non é correcto *diñeirario.
diputación	deputación
diputado/a	deputado/a
disfrutar	gozar, aproveitar, desfrutar	Aínda que o DRAG condena, por incorrecta, a forma desfrutar, vénse utilizando nalgúns contextos, sobre todo naqueles en que gozar ou formas similares non semellan moi acaídas.
disfrute	gozo, beneficio, desfrute	Aínda que o DRAG condena, por incorrecta, a forma desfrute, vénse utilizando nalgúns contextos, sobre todo naqueles en que gozo ou formas similares non semellan moi acaídas.
disminución	diminución
donación	doazón
donante	doador/a, doante

↑ Voltar ↑

E

Castelán	Galego	Observacións
edicto	edicto	Non é correcto *edito.
empadronamiento	empadroamento
empadronar	empadroar
emplazamiento	—emprazamento (=citación) —localización, situación	En galego emprazamento só ten a acepción de «acción ou resultado de lle comunicar a alguén a hora, a data e o lugar dunha reunión ou cita para que acuda a ela; citación». Non é correcto o seu emprego na acepción de «lugar onde está colocado algo ou alguén». Nesta debemos empregar palabras como localización ou situación.
emplazar	—emprazar (=citar) —localizar, situar	En galego emprazar só ten a acepción de «citar». Non é correcto o seu emprego na acepción de «poñer algo nun determinado lugar». Nesta, debemos empregar palabras como localizar ou situar.
en aras a	de cara a, a prol de, en prol de, para
en base a	con base en, de acordo con, consonte, segundo, baseándose en, tendo en conta	Non é correcto *en base a.
en calidad de	en calidade de, como
en consideración a	tendo en conta, considerando
en cuanto a	en canto a, tocante a, en relación con, verbo de
en evitación de	para evitar
en lo sucesivo	no sucesivo, de agora en diante, a partir de agora
en méritos de	de acordo con, segundo
en orden a	para, co fin de, verbo de, no tocante a
en relación con, con relación a	en relación con, con relación a	Non é correcto *en relación a.
en resumidas cuentas	en resumo, en definitiva	Non é correcto *en resumidas contas.
en su caso	se é o caso, de ser o caso, se for o caso, se procede	Non é correcto *no seu caso. Hai contextos en que é prescindible.
en su defecto	de non o haber, na súa ausencia, na súa falta
en su día	no seu día, no seu momento, cando corresponda
en vista a	de cara a
enajenación	—alleamento (=cesión ou venda) —alienación (=trastorno mental)	Non é correcto *enaxenación. Para referirnos ao trastorno mental, en galego falamos de alienación.
enajenar	allear	Non é correcto *enaxenar.
encausar	abrir causa, procesar	Non é correcto *encausar.
endeudamiento	endebedamento
enjuiciamiento	axuizamento, procesamento	Non é correcto *enxuizamento.
enjuiciar	axuizar, procesar, xulgar	Non é correcto *enxuizar.
enmendar	emendar
enmienda	emenda
ensañamiento	asañamento	Non é correcto *ensañamento.
entablar	emprender, promover, interpor, presentar (un recurso de inconstitucionalidade, unha demanda, etc.)	Non é correcto *entablar.
entorno	contorno, contorna, ámbito, ambiente	Non é correcto *entorno. En función do contexto empregaremos palabras como contorno, ámbito, ambiente, etc.
entresuelo, entreplanta	entresollado, entreplanta	Non é correcto *entresolo nin *entrechán.
estación de aforo	estación de contaxe	Non é correcto *estación de aforo.
estancia	—estadía, estada, estancia —estanza (=estrofa)
estar (a lo dispuesto)	aterse (ao disposto), observar (o disposto), atender (ao disposto)	Non é correcto *estar ao disposto.
estudio	—estudo (=acción de estudar) —estudio (=local)	Estudo é o «feito de estudar, investigación, conxunto de materias que se estudan». Estudio é a palabra que designa o «lugar en que se estuda ou traballa»: estudio de arquitectura; estudio de televisión.
evacuar	—evacuar (=desocupar) —cumprir (un trámite) —emitir (un informe)	É correcto co significado de «baleirar de xente un lugar debido a un perigo». Porén, non é correcto en galego co significado de «cumprir un trámite» ou «emitir un informe».
extender (un acta, un documento)	estender, redactar
extremar	extremar	Non debe confundirse extremar con estremar, que ten o significado de «marcar as estremas ou lindes dunha propiedade».
extremo	—extremo (=final dunha cousa) —asunto, materia, tema	Non é correcto o emprego de *extremo co significado de «asunto, materia de que se trata». Non se debe confundir extrema con estrema, que ten o significado de «linde».

↑ Voltar ↑

F

Castelán	Galego	Observacións
fallar	—fallar (=errar, equivocarse) —decidir, resolver, ditaminar, xulgar	Co significado de «resolver un preito un xuíz/a» ou o de «adxudicar un premio un xurado» non é correcto en galego *fallar. Usaremos resolver, ditaminar, xulgar, decidir.
fallo	—fallo (=erro, equivocación) —decisión, resolución, sentenza, ditame	Co significado de «resolución que toma un xuíz/a ou un xurado» non é correcto en galego *fallo. Empregaremos resolución, sentenza, decisión ou ditame. Como parte da sentenza en que se emite a resolución podemos empregar a expresión parte dispositiva.
falsedad	falsidade	Non é correcto *falsedade.
fecha	data
fehaciente	fidedigno/a, que dá fe, que fai fe	Non é correcto *fehaciente nin *fehacente.
fin	fin	Aínda que o DRAG considera esta palabra de dobre xénero, masculino e feminino, en calquera das súas acepcións, vénse utilizando con xénero femimino (a fin) cando equivale a «remate, termo» (a fin de semana; a fin do prazo) e con xénero masculino (o fin) cando equivale a «finalidade, obxectivo» (o fin non xustifica os medios).
financiación (fem.)	financiamento (masc.)	Non é correcto *finanzamento.
financiero	financeiro	Non é correcto *financieiro.
finca	—predio —leira, terreo, parcela	Co significado de «ben rexistrable» utilizaremos sempre predio (un piso é un predio). Ora ben, cando se refire a un terreo, pode ser traducido por leira, terreo ou parcela.
finiquito	quitanza	O Dicionario xurídico galego, na entrada relativa á Extinción do contrato de traballo por mutuo acordo alude á quitanza cando expresa: «Aínda que a declaración de vontade das partes mediante a cal acordan a terminación da relación pode ser expresa ou tácita e, no primeiro caso, verbal ou escrita, normalmente adopta esta última forma, incorporándose á denominada quitanza (finiquito), que procede realizar con ocasión da extinción do contrato e que debe axustarse aos requisitos que estableza o convenio colectivo aplicable». Non debe confundirse a quitanza coa liquidación.
firma	—sinatura, firma, asinamento —firma (=empresa)	Para referirnos a unha empresa ou razón comercial só utilizaremos firma, mentres que para a acepción de «nome ou trazo característico escrito polo seu posuidor nun documento, como garantía da súa autenticidade ou da súa autoría» empregaremos habitualmente sinatura, aínda que firma tamén é correcto.
firmante	asinante, firmante
firmar	asinar, firmar
fraude (masc.)	fraude (fem.)

↑ Voltar ↑

G

Castelán	Galego	Observacións
garantizar	garantir
generador	xerador	Non é correcto *xenerador.
generalidad	xeneralidade	Non é correcto *xeralidade.
generalizar	xeneralizar	Non é correcto *xeralizar.
generar	xerar	É incorrecto *xenerar.
goce	gozo (véxase disfrute)	Non é correcto *goce.
grabar	gravar	En galego ten esta única forma para calquera dos significados do castelán grabar e gravar.
gradación, graduación	gradación, graduación	Aínda que tanto en castelán como en galego tenden a usarse indistintamente nalgúns contextos, teñen acepcións diferentes (véxanse os respectivos dicionarios académicos).
grado	—grao (=nivel, escala) —grado (=boa aceptación)
graduar	graduar
gravamen	gravame
guarda	garda
guardia	garda
gubernamental	gobernamental
gubernativo	gobernativo

↑ Voltar ↑

H

Castelán	Galego	Observacións
hábeas corpus	hábeas corpus, habeas corpus	Esta expresión pode escribirse baixo a forma latina, caso en que se pon en cursiva e sen acento. Pero, ao tratarse dunha expresión moi consolidada, adoita escribirse en redonda e con acento.
haber lugar	proceder	Non é correcta a expresión *haber lugar.
habida cuenta	dado que, tendo en conta que	Non é correcta a expresión *habida conta.
hallar	achar
hallazgo	achado	Non é correcto *achádego.
haz	feixe	Feixe emprégase en galego coas mesmas acepcións que o castelán haz (feixe luminoso, feixe de protóns...)
heredar	herdar
heredero/a	herdeiro/a
herencia	herdanza
hermandad	irmandade
hijuela	anexo	Utilízase no ámbito dos transportes, coa acepción de «camiño anexo ou subordinado a outro principal».
hoja de aprecio	folla de valoración, folla de taxación
huella	pegada, pisada, impresión dixital	En sentido metafórico tamén se poden utilizar sinal e testemuño.

↑ Voltar ↑

I

Castelán	Galego	Observacións
impago	impagamento, falta de pagamento, non pagamento
inalienable	inalleable, inalienable
incertidumbre	incerteza	Non é correcto *incertidume.
incumplimiento	incumprimento
incurrir	incorrer
informar	—informar (=dar información) —emitir informe	Como transitivo equivale exclusivamente a «dar información» (deberá informar os traballadores dos postos de traballo vacantes). Non é correcto, por tanto, o seu emprego como transitivo co significado de «emitir informe». Así non debemos empregar *informar unha resolución nin, en consecuencia, *resolución informada favorablemente. A forma correcta nestes casos é emitir informe sobre unha resolución e resolución con informe favorable ou resolución obxecto de informe favorable.
inscribible	inscritible	Non é correcto *inscribible.
insertar	inserir	Non é correcto *insertar.
instar	instar (alguén para facer algo)	A construción correcta deste verbo require que se introduza un complemento directo de persoa seguido da preposición para: Instaron o conselleiro para que resolva o conflito. Por tanto, é incorrecta unha construción como *instaron a resolución do conflito.
interés	—interese —xuro	Para referirnos á importancia ou valor que unha cousa suscita utilizaremos interese. Para nos referir ao diñeiro producido ou pagado, a forma correcta é xuro, que se usa sobre todo en plural.
interesar	solicitar
interfaz (s.m.)	interface (s.f.)
interrumpir	interromper
interviniente	interveniente	Non é correcto *intervinte.
intrusismo	intrusión	Non é correcto *intrusismo.
inversión	—inversión (=acción de inverter) —investimento (=acción de investir)
inversor/a	investidor/a	Non é correcto *inversor/a.
invertir	—inverter (=dar a volta) —investir (=aplicar diñeiro a unha finalidade)
IVA (impuesto sobre el valor añadido)	IVE (imposto sobre o valor engadido)

↑ Voltar ↑

J

Castelán	Galego	Observacións
joven	mozo/a, rapaz/a, novo/a	As formas *xove e *xoven non son correctas en galego. Porén, por calco de estruturas do castelán que inclúen o adxectivo joven, hoxe en galego hai sintagmas xa moi consolidados que inclúen as formas espurias: carné xove, Xove Orquestra de Galicia, etc.
justificante	xustificante (de recepción), resgardo, recibo
justiprecio	prezo xusto	Non é correcto *xustiprezo.
juzgar	xulgar, axuizar	Non é correcto *xuzgar.

↑ Voltar ↑

K

Castelán	Galego	Observacións
kilo, kilogramo	quilo, quilogramo
kilolitro	quilolitro
kilómetro	quilómetro
kilovatio	quilowatt	Non é correcto *quilovatio.
kilovoltio	quilovolt	Non é correcto *quilovoltio.

↑ Voltar ↑

L

Castelán	Galego	Observacións
largo/a	longo/a	Debe terse en conta que a forma galega largo/a equivale á castelá ancho/a.
legajo	mazo	Non é correcto *legaxo.
lejano/a	afastado/a, distante	Non é correcto *lonxano/a.
librar (certificación)	expedir (certificación), redactar
libreta	caderno, conta	Non é correcto *libreta.
libreta marítima	cédula de inscrición marítima
licencia	licenza	Non é correcto *licencia.
liderazgo	liderado	Non son correctos *liderazgo, *liderádego nin *liderato.
lindante	lindeiro/a, estremeiro/a
listado	lista, listaxe	Non é correcto utilizar *listado como substantivo; si como adxectivo (un xersei listado).
listín (telefónico)	listaxe (telefónica)
llanamente	sinxelamente, directamente
llanta	pina, lamia
llevanza (de un registro, de un archivo...)	mantemento, conservación, xestión (dun rexistro, dun arquivo...)	Malia ser correcto o verbo levar, non o é o sustantivo *levanza.

↑ Voltar ↑

M

Castelán	Galego	Observacións
manzana (de casas)	cuarteirón, quinteiro	Non é correcto *mazá.
marcado (s.m.)	marcación, marcaxe (s.f.)
marchamo	marca identificativa, selo de chumbo
máster	máster, mestrado	Aínda que se chegou a divulgar a forma adaptada ao galego mestrado, a forma fixada polo Consello de Universidades é máster. Por tanto, esta é a forma que debe utilizarse nos textos oficiais.
mayorista	grosista, comerciante por xunto	Non é correcto *maiorista.
mecenazgo	mecenado	Non é correcto *mecenazgo nin *mecenádego.
medio ambiente	ambiente, medio (natural)	Malia que a expresión *medio ambiente é condenada, tanto en galego coma noutros idiomas, está moi divulgado o seu emprego, mesmo na denominación de organismos, co cal o seu emprego se acabou considerando tolerable.
medioambiental	ambiental
membrete	cabeceira
memorándum	memorando
mercancía	mercadoría, mercancía
mermar	minguar	Non é correcto *mermar.
minorista	retallista, comerciante polo miúdo
minusvalía, discapacidad	minusvalidez, discapacidade	O concepto antes expresado en castelán como minusvalía debe expresarse en galego como minusvalidez. Porén, nas dúas linguas, o actual concepto legal exprésase baixo o termo discapacidad / discapacidade.
montante (cuantía)	montante
mostrenco	mostrengo, sen dono(a)
muestral (varianza muestral)	de mostras (varianza de mostras)
muestreo	mostraxe, toma de mostras	Non é correcto *mostreo.

↑ Voltar ↑

N

Castelán	Galego	Observacións
nombramiento	nomeamento
nombrar	nomear
novedoso/a	novo/a, innovador/a	Non é correcto *novidoso(a).
nudo	nó
nudo propietario	nu propietario

↑ Voltar ↑

O

Castelán	Galego	Observacións
objeción	obxección
objetar	obxectar
objetivo	obxectivo
objeto	obxecto
obligación	obriga, obrigación
obrante	existente, que consta en	Non é correcto *obrante.
obrar (=existir en determinado lugar)	constar, estar en posesión, estar en poder de
orden (s.m. ou s.f.)	orde (s.f.)	En galego ten xénero feminino en calquera das súas acepcións: a orde do día; a orde de chegada; cumprir as ordes.
ordenamiento	ordenamento
ordenar	ordenar	Non é correcto *ordear.
origen (s.m.)	orixe (s.f.)
ostentar	ostentar (facer ostentación de algo)	Expresións como ostentar un cargo ou ostentar unha representación, moi usuais por calco do castelán, debemos substituílas por exercer, desempeñar, ocupar ou ter (un cargo, unha representación).
otorgamiento	outorgamento
otorgar	outorgar
otrosí	outrosí

↑ Voltar ↑

P

Castelán	Galego	Observacións
pabellón	pavillón
pagadero	pagadoiro
pagaré	nota promisoria	A forma habitualmente empregada viña sendo obriga de pagamento. Pero o Dicionario xurídico fixou a forma nota promisoria.
pago	pagamento, pago
para mejor proveer	para mellor resolver, para decidir mellor
paradero	paradoiro
paradoja	paradoxo	Non é correcto *paradoxa.
paradójico/a	paradoxal
patria potestad	patria potestade
patronato	padroado, padroádego
patrono (de una fundación)	padroeiro, patrón
peatón	peón
peatonal	peonil	Non é correcto *peatonil.
peatonalizar	converter en (zona) peonil
peón caminero	legoeiro
pérdida	perda
periódico/jornal (retribución)	xornal (publicación, retribución)
perjudicial	prexudicial	Non é correcto *perxudicial nin *perxudizal.
perjuicio	prexuízo, dano	Non é correcto *perxuízo.
persona	persoa
personal	persoal
personarse	—comparecer, presentarse —constituírse como parte	No sentido xurídico debe preferirse a forma constituírse como parte, aínda que en determinados contextos é sinónima de comparecer. Non é correcto *persoarse.
pertenecer	pertencer
pignoración	peñoración
pignorar	peñorar, empeñar
pizarra	—lousa —encerado	No caso de pizarra electrónica (nas TIC) empregaremos encerado electrónico. Non é correcto *pizarra.
planta, piso	andar, planta, piso
planteamiento	formulación, enfoque, proposta	Non se debe abusar de formulación como tradución deste termo para o galego. Segundo os contextos, tamén podemos empregar estoutras formas: exposición, presentación, proposta, proxecto, enfoque, etc. Non é correcto *plantexamento.
plantear	presentar, formular, suxerir, trazar, propor, establecer, expor, considerar, enfocar	Non é correcto *plantexar.
plantilla	—cadro de persoal —modelo, formulario de corrección —soleta (dos zapatos)	Segundo a acepción, empregaremos as opcións indicadas. En ningunha das acepcións é correcto *plantilla.
plaza	praza
plazo	prazo
pleitear	preitear, litigar
pleito	preito, litixio
pliego	prego
plus (retribución)	complemento, sobresoldo
poder bastante	poder cumprido
poderdante	poderdante, mandante
poderhabiente	mandatario/a
—ponencia (=exposición) —ponencia (=sección, comisión) —ponencia de valores	—relatorio —ponencia —cadro de valores	Non é correcto *poñencia. Aínda que a palabra ponencia non é correcta en galego, no ámbito parlamentario é a denominación que, por calco do castelán, se vén utilizando desde o inicio da constitución da Cámara galega. Por tanto, só será admisible neste contexto ou similares (Ponencia de Estudos da Comisión de Toponimia, por ex.) No ámbito do catastro, a forma correcta para o galego é cadro de valores.
ponente	relator/a; maxistrado relator	Non é correcto *poñente.
por consiguiente	por conseguinte, por tanto, polo tanto, xa que logo
por cuanto	por canto, xa que, dado que, posto que
por cuenta de	por conta de
por la presente	por medio de, a través de (este escrito, carta, notificación, etc.)
por tanto	por tanto, polo tanto, xa que logo
porcentaje (s.m.)	porcentaxe (s.f.)
poseedor/a	posuidor/a
poseer	posuír
postor	licitador, ofertante	Non é correcto *postor.
postura	oferta, licitación, proposta
practicaje	pilotaxe portuaria
practicar diligencias	efectuar dilixencias
práctico de puerto	piloto de porto, piloto portuario
preaviso, previo aviso	aviso previo
precio	prezo
prejuicio	prexuízo	Non é correcto *perxuízo e *perxuicio.
prejuzgar	prexulgar	Non é correcto *prexuzgar.
prenda (=aval)	peñor (=aval)
prenda (de ropa)	peza (de roupa)
prescripción	prescrición
prestatario/a	prestameiro/a	Non é correcto *prestatario.
presupuestación, presupuestar	elaboración de orzamentos, orzar	Non é correcto *orzamentar.
presupuestario	orzamentario, presupostario
presupuesto	—presuposto (=cousa que se presupón) —orzamento, presuposto	No ámbito económico empregaremos orzamento, malia recoñecerse presuposto como sinónimo.
prevenir	previr	Non debe confundirse previr con prever.
prever	prever	Non debe confundirse prever con previr. En castelán é incorrecta a forma *preveer.
previo/a	previo/a (=anterior)	Previo(a) debe empregarse como adxectivo (un informe previo, unha consulta previa). Non o empregaremos en expresións como previo informe ou previa consulta. Nestes contextos diremos logo de informe, tras o informe, co informe previo de, logo de consulta ou construcións similares.
procesal	procesual	Non é correcto *procesal.
procuraduría	procuradoría
promedio	media, termo medio	Non é correcto *promedio.
promocionar	promover	Non é correcto *promocionar, aínda que si o substantivo promoción.
prorrata	pro rata
prorratear	ratear
prorrateo	rateo
proveedor/a	provedor/a
proveer	prover
proveniente	proveniente	Non é correcto *provinte.
pueblo (conjunto de personas)	—pobo (=conxunto de persoas) —vila, aldea, lugar (=o agrupamento físico de casas)	Non é correcto utilizar *pobo para referirse ao agrupamento de vivendas.
puja	poxa
pujar	poxar
pujas a la llana	poxas abertas

↑ Voltar ↑

Q

Castelán	Galego	Observacións
querella	querela
querellante	querelante
querellar	querelarse
querencia	querenza
quiebra	creba, quebra
quirúrgico/a	cirúrxico/a	Non é correcto *quirúrxico/a.
quita	quitación
quórum	quórum

↑ Voltar ↑

R

Castelán	Galego	Observacións
reanudar	reemprender, continuar, retomar, restablecer	Non é correcto *reanudar. Reanudar significa «renovar ou continuar un trato, estudo, traballo, conferencia, etc». Non é sinónimo perfecto de reiniciar. O verbo reiniciar debe usarse para aludir ao feito de volver ao principio dunha actividade suspendida, mentres que reanudar é o adecuado para falar de algo que se volve pór en marcha a partir do punto en que parou. Por iso en galego expresaremos esta acción con verbos como os indicados.
rebatir	rebater
recabar	recadar, obter, solicitar	Non é correcto *recabar. Dependendo do contexto utilizaremos recadar, obter, recoller ou acadar. Noutros equivale máis a solicitar, pedir, demandar ou reclamar.
recargo	recarga
recaudación	recadación
recaudador/a	recadador/a
recaudar	recadar
rechazar	rexeitar
rechazo	rexeitamento
recibí (sust.)	carta de recepción, xustificante de recepción, recibo	Non é correcto *recibín.
recién	recentemente (+ participio), acabado de (+ infinitivo)	Non é correcto *recén. Así, *recén feito débese substituír por recentemente feito ou acabado de facer. No caso de *recén nacido, pode empregarse recentemente nado ou o cultismo neonato, sobre todo na linguaxe médica.
reciente	recente
recopilar	recompilar
recorrer	percorrer	Cómpre non confundir percorrer con recorrer.
rector	reitor
rectorado	reitoría
recurrente	recorrente
recurrir	recorrer	Co significado de «botar man de, apoiarse en, acudir a» empregaremos recorrer (recorreu a min para que lle botase unha man). Na acepción de «presentar un recurso contra unha decisión xudicial ou administrativa» non é correcto o seu emprego como transitivo e debe rexer a preposición contra: O condenado recorreu contra a sentenza e non *O condenado recorreu a sentenza. Tampouco son correctas expresións como *A sentenza foi recorrida polo condenado ou *A sentenza recorrida.
reemplazo	substitución	Non é correcto *reemprazo.
reflejar	reflectir	Non é correcto *reflexar.
refrendar	referendar	Non é correcto *refrendar.
—refrendo —referéndum	referendo
régimen	réxime
regir	rexer	Non é correcto *rexir.
regla	regra
reglaje (p.e. de elementos de un vehículo)	axuste, regulación	Non é correcto *regraxe.
reglamentación	regulamentación	Non é correcto *regramentación.
reglamentar	regulamentar, regular
reglamentario	regulamentario	Non é correcto *regramentario.
reglamento	regulamento	Non é correcto *regramento.
rehusar	rexeitar, refusar, refugar
relevación (de obligaciones o car-gas)	exención, exoneración (de obrigas ou cargas)	Non é correcto *relevación.
relevista	remudista	Participantes nunha carreira de remudos Traballador con contrato de remuda
relevo (contrato de)	remuda (contrato de)	Esta é a forma recollida no Dicionario xurídico, aínda que en textos do DOG tamén se ten utilizado a expresión contrato de revezamento.
relicto/a	sucesorio/a, hereditario/a	Emprégase normalmente acompañando o substantivo bens (pl.) xa que se aplica aos bens da herdanza.
rellenar	—reencher —encher, cubrir	Utilizaremos reencher en contextos como reencher un burato con terra. Para os formularios, utilizaremos encher ou cubrir.
rendir	render
renta	renda
rentabilidad	rendibilidade	Non é correcto *rentabilidade.
rentable	rendible	Non é correcto *rentable, *rentábel.
reparto	repartición	Non é correcto *reparto.
replantear	—reformular, dar un novo enfoque —implantar, trazar a planta (en construción)	Non é correcto *replantexar.
replanteo	implantación, trazado de planta	Non é correcto *replantexo.
requerimiento	requirimento	Non é correcto *requerimento.
requerir	requirir	Non é correcto *requerir.
reseña	nota, recensión	Non é correcto *reseña.
reseñar	indicar, sinalar
resguardo	—resgardo, xustificante —abeiro, acubillo	Cando se trate dun lugar onde agocharse ou gorecerse, empregaremos as formas abeiro ou acubillo.
respeto, respecto	respecto	En galego a forma é a mesma nas dúas acepcións: Xa non hai respecto polos maiores; Respecto diso non temos máis que engadir.
retracto (derecho de)	retracto (dereito de)
retranquear	recuar
retranqueo	recuamento
retrasar	atrasar, adiar
retraso	atraso, adiamento
revertir	reverter
revocable	revogable
revocación
revocar	revogar
riesgo	risco
ronda	rolda

↑ Voltar ↑

S

Castelán	Galego	Observacións
salvedad	excepción, advertencia	Evítense *salvedade e *salvidade.
salvo que	salvo que, de non ser que, non sendo que, a menos que, excepto que
—secreto (s.m.) —secreto(a) (adx.)	—segreto (s.m.) —secreto(a) (adx.)	Como substantivo empregaremos segredo, mentres que como adxectivo a forma correcta é secreto(a).
sede	—sede —sé	A sede é o lugar onde ten o seu domicilio unha empresa ou unha organización. A forma sé só se emprega nas acepcións que teñen que ver co mundo eclesiástico: capital dunha diocese, territorio da xurisdi-ción dun prelado (p.e., a Santa Sé).
sellado	selaxe
semoviente	semovente
señas (personales)	datos persoais, enderezo
sentencia	sentenza	Non debemos esquecer, porén, que o verbo é sentenciar.
sentenciar	sentenciar	Non é correcto *sentenzar.
si bien	ben que, aínda que	Non é correcto *se ben.
signatura	signatura (referencia, sinal)	Non se debe confundir con *sinatura".
sin embargo	porén, no entanto, con todo, así e todo	Evítense *sen embargo e *nembargantes.
sin perjuicio de	sen prexuízo de
siniestro	sinistro
so pretexto de	co pretexto de
sobornar	subornar
soborno	suborno
sobrecoste	sobrecusto	Non é correcto *sobrecuste.
sobrepasar	superar, exceder, adiantar	Non é correcto *sobrepasar.
sobresaliente (adj. y s.m.)	—sobresaínte (adx.) —sobresaliente (s.m.)	Para a cualificación académica empregaremos a forma sobresaliente.
sobreseer	sobreser
sobreseído(a)	sobresido(a)
sobreseimiento	sobresemento
solar (adx., referido ao sol)	solar
solar (s.m., terreno edificable)	soar
solventar	resolver, solucionar	Non é correcto *solventar.
sondeo	sondaxe
sostenibilidad	sustentabilidade, sostibilidade	D.X. de Sostibilidade e Paisaxe
sostenible	sustentable, sostible
subasta	poxa
subastar/pujar	poxar
subsanar	emendar, rectificar, corrixir, reparar, sanear	Non é correcto *subsanar.
sugerencia	suxestión	Non é correcto *suxerencia.
sujeción	suxeición	Non é correcto *suxeción.
suministrar	subministrar, fornecer, propor-cionar
suministro	subministración, fornecemento	Non é correcto *subministro.
surtir	—fornecer, abastecer —producir	Para a expresión do castelán surtir efecto/s en galego dicimos producir efecto/s.
suscribir(se)/abonar(se)	subscribir(se), abonar(se)
suscripción	subscrición
sustanciar (trámite de audiencia)	substanciar, efectuar (trámite de audiencia), instruír, tramitar
sustituir	substituír
sustracción	subtracción	Non é correcto *substracción.
sustraer	subtraer	Non é correcto *substraer.

↑ Voltar ↑

T

Castelán	Galego	Observacións
tacha (legal)	impedimento (legal)
tachadura	riscada
tachar	riscar	É incorrecto o seu uso en contextos como *Tachárono de folgazán. Neste caso empregaremos acusar ou cualificar.
tan pronto como	tan pronto como, axiña que, logo que, en canto
tanteo (derecho de)	tanteo (dereito de)
tanto por cien	tanto por cento	Non é correcto *tanto por cen.
taquilla	—despacho de entradas, despacho de billetes, billeteira —armario —recadación	Non é correcto *taquilla.
tasa	taxa
tasación	taxación
tasar	taxar
tenedor (de acciones)	tedor
tenencia	—tenza (=posesión) —tenencia (=cargo de tenente)
tenor	—teor (=modo) —tenor (=cantante)
tercio	terzo	Debemos ter en conta, no entanto, que as formas correctas son terciario e terciaria e non *terzario, *terzaria.
tesina	memoria de licenciatura	Non é correcto *tesiña.
tesis	tese, memoria de doutoramento
tesorería	tesouraría
testigo (el, la)	testemuña	En galego é sempre feminino
testimoniar	testemuñar
testimonio	testemuño (aquilo que di unha testemuña ou que serve para demostrar algo)
toda vez que	xa que, dado que
traer causa	derivar
transcripción	transcrición
transcurrir	transcorrer
trayecto	traxecto	Non é correcto *traiecto.
trazabilidad	rastrexabilidade	Non é correcto *trazabilidade.
triple	triplo, tripla	Non é correcto *triple.
turnar	alternar, rotar, aquendar, repartir por quenda
turnar de oficio	asignar de oficio
turnicidad	aquendamento, traballo por quendas, traballo a quendas
turno	quenda, vez, rolda, tanda
turno de oficio	quenda de oficio
turno de reparto	quenda de repartición

↑ Voltar ↑

U

Castelán	Galego	Observacións
ubicación	localización, situación, instalación, colocación	Non é correcto *ubicación.
ubicar	localizar, situar, instalar, colocar	Non é correcto *ubicar.
ultimátum	ultimato

ultraje	aldraxe	Non é correcto *ultraxe.
umbral	limiar	Tamén en sentido figurado: o limiar da pobreza, o limiar da dor.
urgir	urxir	Emprégase como verbo impersoal en construcións deste tipo: Urxe a comparecencia do interesado. Non son correctas as construcións transitivas: *Urxiron da Deputación a construción dunha estrada ou *Urximos a reitoría para que tome a decisión con rapidez.
uso y disfrute	uso e gozo	Menos recomendable é uso e desfrute.
usufructo	usufruto
usufructuario(a)	usufrutuario(a)

↑ Voltar ↑

V

Castelán	Galego	Observacións
vacuna	vacina
vacunar	vacinar
vacuno(a) (adj.)	vacún, vacúa
vatio	wat	Non é correcto *vatio.
vecindad	veciñanza	Non é correcto *vecindade.
ventaja	vantaxe	Non son correctas as formas *ventaxa nin *avantaxe.
ventanilla	—ventá, fiestra, xanela —portelo (=lugar de atención ao público)
veredicto	veredicto	Non é correcto *veredito.
vertido (sust.)	vertedura (subst.)	En galego a forma vertido(a) só se emprega como adxectivo (o sal vertido na mesa). Non é correcto *verquido.
vertir	verter	Evítense as formas *vertir, *verquir e *verquer.
vía de apremio	vía executiva, vía de constrinximento, vía de prema
vial	viario(a)	Dise seguranza viaria e non *seguranza vial.
vigilante (adj.)	vixiante
vigilante (sust.)	vixilante
visto bueno	visto e prace	Non é correcto *visto bo.
vocal (letra, miembro de una junta o una asociación)	—vogal —vocal	Usamos vocal como adxectivo en expresións como cordas vocais.
voltio	volt	Non é correcto *voltio.

↑ Voltar ↑

Y

Castelán	Galego	Observacións
ya que	xa que, posto que, dado que, tendo en conta que
yacimiento	xacemento	Para expresión castelá yacimiento de empleo en galego está fixada a expresión viveiro de emprego.

↑ Voltar ↑

Z

Castelán	Galego	Observacións
zahorra	saburra
zona	zona	Non é correcto *zoa.

↑ Voltar ↑

@@ Liña 2.234: / Liña 2.234: @@
 | style="border-style:solid; border-width: 0 1px 1px 0; border-color:#ccccff" valign="top" align="justify" width="32%" | <font color="black">reemprender, continuar, retomar, restablecer</font>
 | style="border-style:solid; border-width: 0 1px 1px 0; border-color:#ccccff" valign="top" align="justify" width="31%" |<font color="black">Non é correcto <font color="maroon">*''reanudar''</font>.<br>
-<font color="0000cc">''Reanudar''</font> significa "renovar ou continuar un trato, estudo, traballo, conferencia, etc". Non é sinónimo perfecto de <font color="0000cc">''reiniciar''</font>. O verbo <font color="0000cc">''reiniciar''</font> debe usarse para aludir ao feito de volver ao principio dunha actividade suspendida, mentres que <font color="0000cc">''reanudar''</font> é o adecuado para falar de algo que se volve pór en marcha a partir do punto en que parou. Por iso en galego expresaremos esta acción con verbos como os indicados.</font>
+<font color="0000cc">''Reanudar''</font> significa &#171;renovar ou continuar un trato, estudo, traballo, conferencia, etc&#187;. Non é sinónimo perfecto de <font color="0000cc">''reiniciar''</font>. O verbo <font color="0000cc">''reiniciar''</font> debe usarse para aludir ao feito de volver ao principio dunha actividade suspendida, mentres que <font color="0000cc">''reanudar''</font> é o adecuado para falar de algo que se volve pór en marcha a partir do punto en que parou. Por iso en galego expresaremos esta acción con verbos como os indicados.</font>
 |-
 | style="border-style:solid; border-width: 0 1px 1px 0; border-color:#ccccff" valign="top" align="justify" width="32%" | <font color="black">rebatir</font>
@@ Liña 2.254: / Liña 2.254: @@
 | style="border-style:solid; border-width: 0 1px 1px 0; border-color:#ccccff" valign="top" align="justify" width="31%" |<font color="black"> </font>
 |-
-| style="border-style:solid; border-width: 0 1px 1px 0; border-color:#ccccff" valign="top" align="justify" width="32%" | <font color="black">recaudador(a)</font>
+| style="border-style:solid; border-width: 0 1px 1px 0; border-color:#ccccff" valign="top" align="justify" width="32%" | <font color="black">recaudador/a</font>
-| style="border-style:solid; border-width: 0 1px 1px 0; border-color:#ccccff" valign="top" align="justify" width="32%" | <font color="black">recadador(a)</font>
+| style="border-style:solid; border-width: 0 1px 1px 0; border-color:#ccccff" valign="top" align="justify" width="32%" | <font color="black">recadador/a</font>
 | style="border-style:solid; border-width: 0 1px 1px 0; border-color:#ccccff" valign="top" align="justify" width="31%" |<font color="black"> </font>
 |-
@@ Liña 2.305: / Liña 2.305: @@
 | style="border-style:solid; border-width: 0 1px 1px 0; border-color:#ccccff" valign="top" align="justify" width="32%" | <font color="black">recurrir</font>
 | style="border-style:solid; border-width: 0 1px 1px 0; border-color:#ccccff" valign="top" align="justify" width="32%" | <font color="black">recorrer</font>
-| style="border-style:solid; border-width: 0 1px 1px 0; border-color:#ccccff" valign="top" align="justify" width="31%" |<font color="black">Co significado de "botar man de, apoiarse en, acudir a" empregaremos <font color="0000cc">''recorrer''</font> (<font color="0000cc">''recorreu a min para que lle botase unha man''</font>).<br>
+| style="border-style:solid; border-width: 0 1px 1px 0; border-color:#ccccff" valign="top" align="justify" width="31%" |<font color="black">Co significado de &#171;botar man de, apoiarse en, acudir a&#187; empregaremos <font color="0000cc">''recorrer''</font> (<font color="0000cc">''recorreu a min para que lle botase unha man''</font>).<br>
-Na acepción de "presentar un recurso contra unha decisión xudicial ou administrativa" non é correcto o seu emprego como transitivo e debe rexer a preposición <font color="0000cc">''contra''</font>: <font color="0000cc">''O condenado recorreu contra a sentenza''</font> e non <font color="maroon">*''O condenado recorreu a sentenza''</font>.<br>
+Na acepción de &#171;presentar un recurso contra unha decisión xudicial ou administrativa&#187; non é correcto o seu emprego como transitivo e debe rexer a preposición <font color="0000cc">''contra''</font>: <font color="0000cc">''O condenado recorreu contra a sentenza''</font> e non <font color="maroon">*''O condenado recorreu a sentenza''</font>.<br>
 Tampouco son correctas expresións como <font color="maroon">*''A sentenza foi recorrida polo condenado''</font> ou <font color="maroon">*''A sentenza recorrida''</font>.</font>
 |-
@@ Liña 2.375: / Liña 2.375: @@
 | style="border-style:solid; border-width: 0 1px 1px 0; border-color:#ccccff" valign="top" align="justify" width="31%" |<font color="black">Esta é a forma recollida no [http://dicionarioxuridico.xerais.es ''Dicionario xurídico''], aínda que en textos do DOG tamén se ten utilizado a expresión <font color="0000cc">''contrato de revezamento''</font>.</font>
 |-
-| style="border-style:solid; border-width: 0 1px 1px 0; border-color:#ccccff" valign="top" align="justify" width="32%" | <font color="black">relicto(a)</font>
+| style="border-style:solid; border-width: 0 1px 1px 0; border-color:#ccccff" valign="top" align="justify" width="32%" | <font color="black">relicto/a</font>
-| style="border-style:solid; border-width: 0 1px 1px 0; border-color:#ccccff" valign="top" align="justify" width="32%" | <font color="black">sucesorio(a), hereditario(a)</font>
+| style="border-style:solid; border-width: 0 1px 1px 0; border-color:#ccccff" valign="top" align="justify" width="32%" | <font color="black">sucesorio/a, hereditario/a</font>
 | style="border-style:solid; border-width: 0 1px 1px 0; border-color:#ccccff" valign="top" align="justify" width="31%" |<font color="black">Emprégase normalmente acompañando o substantivo <font color="0000cc">''bens''</font> (pl.) xa que se aplica aos bens da herdanza.</font>
 |-

Glosario de expresións e termos

De Manual de Estilo DOG

Revisión como estaba o 24 de abril de 2013 ás 10:14

Índice

Observacións

Glosario

A

B

C

D

E

F

G

H

I

J

K

L

M

N

O

P

Q

R

S

T

U

V

Y

Z

Vistas

Ferramentas persoais

Navegación

Buscador

Caixa de ferramentas