Temporalidade
De Manual de Estilo DOG
|
Páxinas principais |
Índice |
Datas
- As datas escríbense combinando letras e números (29 de setembro de 2010). Os días do mes, incluído o 1, escríbense con cifras. Exceptúanse:
- As datas históricas, nomes propios ou nomes de rúas:
- (…) Dos de Mayo (…)
- Pola mesma razón, debe respectarse a forma oficial dalgúns nomes propios en que o número aparece con cifras.
- Por cuestión de espazo, as datas que aparecen en cadros, listas e enumeracións:
- Dil. 13.10.2010 Vehículo matrícula C6870F (…)
- Excepto cando se trate dunha estrutura fixa de día, mes e ano, ou de mes e ano, as expresións temporais con anos van introducidas sempre polo artigo:
- (…) no/para o 2010 (…)
- Resolución do 17 de setembro de 2010 (…)
- (…) 6 de outubro de 2010 (…)
- (…) outubro de 2010 (…)
- Nas datas, sepáranse os topónimos:
- O Porriño, 6 de outubro de 2010.
- No caso dunha sucesión de anos e ao indicar o ano na citación das leis escríbense os anos enteiros:
- (…) curso 2010-11 (…)
- (…) Lei 30/1992 (…)
Horas, minutos e segundos
As horas deben indicar sempre os minutos, aínda que se trate da hora en punto, e como separador debe utilizarse o punto:
- (…) en horario de 9.00 a 14.00 horas (…)
Para evitar posibles confusións, aconséllase que o substantivo horas (sen abreviar) acompañe estas expresións de horarios. Excepto en casos específicos, o substantivo minutos omítese nos horarios:
- (…) Data-hora-porto: 25.3.2010; 12.13 horas; Bueu (Pontevedra). (…)
- (…) en sesións de 50 minutos (…)
O mesmo acontece con segundos:
- (…) nun tempo inferior ou igual a 30 segundos (…)
- -Tempo primeiro salto: 13 minutos e 38 segundos.
Caso unha cantidade indique minutos ou segundos, utilizarase a vírgula para separar os decimais:
- -Segundos por salto: 13,24.
Días da semana
Os días da semana especifícanse nos seguintes casos:
- Cando se especifican horarios:
- (…) luns a venres das 9.00 ás 19.00 horas e sábados das 9.00 ás 14.00 horas (…)
- Acompañando a data, o número e a páxina do DOG en cada unha das cabeceiras das súas páxinas:
- 578 DIARIO OFICIAL DE GALICIA N.º 6 · Martes, 11 de xaneiro de 2011
- Cando no texto se cite un DOG ou un BOP anterior:
- (…) no DOG n.º 234, do martes, 7 de decembro de 2010 (…)
- No BOP de Lugo n.º 99, do martes día 4 de maio de 2010 (…)
- Cando se especifica unha data para a cal aínda non se pode concretar o día do mes:
- (…) ás dez horas do martes da semana seguinte ao día de remate do prazo de presentación de proposicións, segundo a cláusula 7.1 do prego (…)
Meses
Os meses do ano especificaranse con letras en todas as datas. Por cuestión de espazo, as datas que aparecen en cadros, listas e enumeracións poden especificarse con números:
- Dil. 13.10.2010 Vehículo matrícula C6870F (…)
Anos
Os anos especificaranse con números en todas as datas. No entanto, cando se citen sesións ou reunións poderá utilizarse a forma estendida:
- A Deputación Provincial de Ourense, en sesión do día vinte e tres de xullo de dous mil dez (…)
- (…) e logo da deliberación do Consello da Xunta de Galicia, na súa reunión do día vinte e tres de decembro de dous mil dez (…)
Cando se fale de anos, en galego debe evitarse a utilización de próximo/vindeiro, presente ou semellante:
- para el próximo año 2012 → para o ano 2012
- para el presente año 2011 → para este ano 2011
