O número

De Manual de Estilo DOG

Revisión como estaba o 12 de decembro de 2012 ás 12:24

Formación do plural

Estas son algunhas observacións verbo da formación do plural:

Palabras rematadas en vogal ou en ditongo

As palabras que finalizan en vogal ‒tónica ou átona‒ ou en ditongo forman o plural engadindo -s:

custo → custos

israelí → israelís

rei → reis

lei → leis

Os estranxeirismos acabados en vogal forman o plural engadindo -s ou respectando a forma de plural de orixe:

spray → sprays

hippy → hippys ou hippies

Palabras rematadas en -r e -z

Estas palabras, incluídos os estranxeirismos xa integrados, engaden o morfema -es sobre o singular:

calor → calores

luz → luces

dólar → dólares

palier → palieres

somier → somieres

Algúns estranxeirismos pouco integrados poden formar o plural do xeito anterior ou engadindo -s:

póster → pósteres ou pósters

gángster → gángsteres ou gángsters

Palabras rematadas en -s e -x

Engaden -es as que son agudas:

compás → compases

deus → deuses

Permanecen invariables as agudas rematadas en grupo consonántico e todas as graves e esdrúxulas:

Palabras rematadas en -n

Engaden -s:

can → cans

dolmen → dolmens

mitin → mitins

Palabras rematadas en -l

As palabras monosílabas acabadas en -l engaden -es:

cal → cales

el → eles

mil → miles

pel → peles

tal → tales

As palabras agudas polisílabas substitúen o -l final polo morfema -is:

aval → avais

civil → civís

control → controis

fiel → fieis

papel → papeis

As palabras compostas en que o segundo elemento é un monosílabo, fan o plural en -es:

ollomol → ollomoles

cartafol → cartafoles

As palabras graves que finalizan en -l forman o plural engadindo o morfema -es:

cónsul → cónsules

difícil → difíciles

útil → útiles

Exceptúanse desta norma as palabras acabadas en -bel, que fan o plural en -beis:

amábel → amábeis

posíbel → posíbeis

Palabras rematadas noutras consoantes

As máis delas son estranxeirismos ou cultismos e forman o plural engadindo -s:

álbum → álbums

boicot → boicots

club → clubs

hándicap → hándicaps

réquiem → réquiems

test → tests

Algunhas particularidades en canto á formación do plural

Abreviaturas

As abreviaturas formadas por máis dunha letra fan o plural engadindo –s:

núm. → núms.

páx. → páxs.

tfno. → tfnos.

Nas formadas por unha letra, o plural exprésase duplicando esta:

p. → pp.

s. → ss.

Siglas e símbolos

Nas siglas e nos símbolos non se marca o plural: