O número
De Manual de Estilo DOG
|
Páxinas principais |
Índice |
Formación do plural
Estas son algunhas observacións verbo da formación do plural:
Palabras rematadas en vogal ou en ditongo
As palabras que finalizan en vogal ‒tónica ou átona‒ ou en ditongo forman o plural engadindo -s:
- custo → custos
- israelí → israelís
- rei → reis
- lei → leis
Os estranxeirismos acabados en vogal forman o plural engadindo -s ou respectando a forma de plural de orixe:
- spray → sprays
- hippy → hippys ou hippies
Palabras rematadas en -r e -z
Estas palabras, incluídos os estranxeirismos xa integrados, engaden o morfema -es sobre o singular:
- calor → calores
- luz → luces
- dólar → dólares
- palier → palieres
- somier → somieres
Algúns estranxeirismos pouco integrados poden formar o plural do xeito anterior ou engadindo -s:
- póster → pósteres ou pósters
- gángster → gángsteres ou gángsters
Palabras rematadas en -s e -x
Engaden -es as que son agudas:
- compás → compases
- deus → deuses
Permanecen invariables as agudas rematadas en grupo consonántico e todas as graves e esdrúxulas:
| Singular | Plural |
|---|---|
| luns
fax lapis martes mércores oasis tórax | luns
fax lapis martes mércores oasis tórax |
Palabras rematadas en -n
Engaden -s:
- can → cans
- dolmen → dolmens
- mitin → mitins
Palabras rematadas en -l
As palabras monosílabas acabadas en -l engaden -es:
- cal → cales
- el → eles
- mil → miles
- pel → peles
- tal → tales
As palabras agudas polisílabas substitúen o -l final polo morfema -is:
- aval → avais
- civil → civís
- control → controis
- fiel → fieis
- papel → papeis
As palabras compostas en que o segundo elemento é un monosílabo, fan o plural en -es:
- ollomol → ollomoles
- cartafol → cartafoles
As palabras graves que finalizan en -l forman o plural engadindo o morfema -es:
- cónsul → cónsules
- difícil → difíciles
- útil → útiles
Exceptúanse desta norma as palabras acabadas en -bel, que fan o plural en -beis:
- amábel → amábeis
- posíbel → posíbeis
